Хъолайы цъитийы амæттæгты абон мысынц Цæгат Ирыстоны

Хъолайы цъитийы амæттæгты абон мысынц Цæгат Ирыстоны. Фыдбæллæхы чи фесæфт, уыдоны мемориалон цыртдзæвæныл дидинджытæ сæвæрдтой. Номарæн мадзалы архайдтой республикæйы сæргълæууæг Сергей Меняйло, Парламенты æмæ хицауады уæнгтæ, æхсæнадон организациты минæвæрттæ, барадхъахъхъæнджытæ. Хъолайы цъити рацыд Гæналдоны комы 21 азы размæ. Æвирхъау цауы æбæрæгæй фесæфт 125 адæймаджы. Се 'хсæн уыд режиссер, актер Сергей Бодров-кæстæр йæ киноисæн къордимæ æмæ бæхты театр «Нарты»-йы артисттæ. Мысæн мадзæлттæ фæцæуынц æрвылаз 20-æм сентябры.