Цæрæнуæтты-коммуналон хæдзарады куыстуæттæ электрон тыхы фиддонтæ баххæст кодтой æрмæст 16,6%

Цæгат Ирыстоны цæрæнуæтты коммуналон хæдзарады куыстуæттæ электрон тыхы фиддонтæ баххæст кодтой æрмæст 16,6 % бæрц. Сæ хæстæ профилон куыстуæтты раз фæфылдæр сты 418 милуан сомы. Ахæм уавæр сæвзæрд ацы азы 1 апрелæй 1 ноябры онг. Фылдæр домæнтæ не ххæст кæнынц муниципалон унитарон куыстуæттæ: «Владикавказские водопроводные сети» «Владикавказские тепловые сети» æмæ «Коммунальщик». Хæстæ бафидыны тыххæй «ЦæгатКавказэнерго»-йы кусджытæ аразынц профилактикон куыст. Сæрмагонд пъланмæ гæсгæ сæ хæстæ домынц. Хъуыддаг фæхуыздæр кæнынмæ се ’ргом здахынц республикæйы хицауад æмæ районты администрацийы разамонджытæ._________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv