Хуссар Ирыстоны коронавирусæй ног рынчынты нал сбæрæг кодтой

Цхинвалы рынчындонæй рафыстой дыууæ рынчыны, инфекцион корпусы ма дохтыртæ дзæбæх кæнынц дыууæ адæймаджы. 87-æй дзы сдзæбæх сты раздæр. Уый тыххæй фехъусын кодта Хуссар Ирыстоны сæйраг санитарон дохтыры хæдивæг Гаглойты Аннæ. Афтæмæй Хуссар Ирыстоны ныртæккæ коронавирусæй рынчынтæ нал рабæрæг кодтой. Низ ма ’руадзыны тыххæй хицауад аразы сæрмагонд мадзæлттæ. Карантины хыгъды ныртæккæ сты 194-æй. Æдæппæттæй Хуссар Ирыстоны коронавирусæй фæрынчын 89 адæймаджы. Тестытæ радтой 3 мин 300 адæймагæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv