Æппæтуæрæсеон адæмон фронты эксперттæ федтой Октябрьскæйы æхсæнадоне бынæттæ æмæ кæртытæ

Ног фæзтæ æмæ аллейтæ, цалцæггонд фæндæгтæ æмæ нырыккон рухсдæттæн системæтæ. Æнцонвадат цардыуаджы программæйы фæрцы Цæгат Ирыстоны районты нывыл кæнынц æхсæнадон бынæттæ æмæ бирæфатерон хæдзæртты кæртытæ. Проектмæ гæсгæ, Горæтгæрон районы цы объекттыл кусынц, уыдон абон федтой æппæтуæрæсеон адæмон фронты эксперттæ. Активистты рейды фыццаг объект - Октярбское хъæуы донбылгæрон. Йæ уæлцъар ын ныридæгæн ногæй раивтой. Фæзындзæн ма дзы ног рухсдæттæн системæ æмæ бандæттæ. Сног кæндзысты сæрдыгон фæзуат дæр. Пъланмæ гæсгæ хъуамæ бынат цæттæ уа ацы азы кæронмæ. Гагарин æмæ Маяковскийы номыл уынгтыл та снывыл кодтой хæдзæртты кæртытæ. Дзыхъхъытимæ фæндæгты бæсты фæзынд ног фæндаг æмæ бадæн бынæттæ. Раивтой рухсдæттæн системæ дæр. Æнцонвадат цардыуаджы программæ хорзырдæм фæбæрæг Тедеты Павелы номыл уынджы цæрджытыл дæр. Ам сног кодтой фараст кæрты. Бынæттон цæрджытæ куыд зæгъынц, афтæмæй ныр, алфамбылайыл афæлгæсгæйæ, зæрдæ райы. Базылдысты аллеймæ дæр. Сног кодтой асфальты 150 метры. Сæвæрдтой ног бандæттæ æмæ бырондæттæ. Ныр сæрдыгон рæстæг арвитæн ис бæлæсты аууоны. Октябрское хъæуæй уæлдай ма Æппæтуæрæсеон адæмон фронты уæнгтæ бабæрæг кодтой Черменыхъæу æмæ Михайловское. Ахæм рейдтæ Æппæтуæрæсеон адæмон фронты активисттæ аразынц республикæйы алы районы дæр. Куыстытæм сæ цæст дарынц суанг райдианæй кæронмæ. Экспертты ныхæстæм гæсгæ, сæйрагдæр у адæмы удæнцой. Уымæ гæсгæ ахсджиаг у куыстыты хæрзхъæддзинадмæ кæсын. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv