4 февралы æппæт дунейы бæрæг кæнынц æвзæр низы ныхмæ тох кæныны бон

4 февралы æппæт дунейы бæрæг кæнынц онкологийы ныхмæ тох кæныны бон. Уый фæдыл Дзæуджыхъæуы уыд тымбыл стъол. Йæ сæйраг хæс æхсæнады æргом низы фæстиуджытæм аздахын. Дзырдтой дзы, пациенттæ æмæ дохтырты размæ цы зындзинæдтæ фæзыны, уыдоныл. Специалистты ныхæстæм гæсгæ, рынчынтæн хъæугæ хостæ афойнадыл дæттын у ахсджиагдæр фарстатæй иу. Уæлдайдæр пандемийæйы рæстæг. Цæгатирыстойнаг эксперттæ æмбырды радзырдтой æвзæр низы профилактикæ æмæ диагностикæйы мадзæлтты тыххæй. Профилактикон æркастмæ адæймаг хъуамæ цæуа афæдз иу хатт. Хуыздæр та уаид афæдз дыууæ хатты дохтыртæн хи уынын кæнын. Ахæм лæггæдтæ сты лæвар. Дохтыртæ куыд зæгъынц, афтæмæй æвзæр низæй рынчын адæмы фæцæрыны хъомыс азæй-азмæ кæны фылдæр. Фæлæ, хъыгагæн афойнадыл дохтырæн йæхи ничи `вдисы. Сæйраг та уый у: æвзæр низ хъæуы афоныл раиртасын. Фæстаг бæрæггæнæнтæм гæсгæ, республикæйы абоны онг онкологон диспансеры хыгъды ис 18 мин адæймагæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv