Журналисттæн радзырдтой национ проектты райрæзты тыххæй

2020 азы национ проект «Здравоохранение»-йы руаджы Цæгат Ирыстоны сарæзтой 36 ног фелсырон -акушерон пункты. Арæзтадон куыстытæ кæромнæ æрхæццæ сты æппæт объектты дæр. Ныртæккæ цæуынц юридикон процедурæтæ. Цæмæй сæ районты рынчындæттæм сфидар кæной. Уый тыххæй журналисттæ фехъусын кодта республикæйы сæргълæууæг æмæ хицауады цур нацпроектты райрæзты управленийы разамонæг Атараты Олег. Управленийæн йæ сæйраг хæс у нацпроекттæ куыд æххæст кæнынц уый бæрæг кæнын. Демографи нацпроекты фæлгæты баххæст кодтой 5 регионалон проекты. Фыццаг æмæ æртыккаг сывæллæттæ цы бинонты райгуырд, уыдонæн радих кодтой фæрæзтæ. Æрвылмæй фиддонты бæрц у 10 мин сомы. Пъланмæ гæсгæ кæд æртыккаг сывæллонæн æххуыс райстаиккой мин бинонтæй фылдæр. Афæдзы кæронмæ сæ нымæц сси 5 мины. Проекты фæрæзтæ фæфылдæр кæныны фарста федералон æмвзадмæ рахаста республикæйы фæллой æмæ социалон рæзты министрад. «Содействие занятости женщин» проекты руаджы сарæзтой рæдвауæндæттæм 4 уæлæмхасæн бæстыйхайы. Беслæны та фæзынд 230 бынатæн рæвдауæндон. Ацы аз пъланмæ гæсгæ республикæйы фæзындзæн 8 ног рæвдауæндоны. 2 дзы уыдзысты Дзæуджыхъæуы, 6 - районты. Ацы аз арæзтадон куыстытæ дарддæр хæццæ кæндзысты 2 скъолайы. Национ проект «Экология»-йы фæлгæты дæр республикæйы егъау пълæнттæ ис. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv