Дзæуджыхъæуы базарадон-экономикон техникумы 53 хæринаггæнæджы фæбæрзонддæр кодтой сæ фæлтæрддзинад

Дзæуджыхъæуы базарадон-экономикон техникумы проект «Содействие занятости населения» æмæ национ проект «Демография»-йы фæлгæты арæзт æрцыдысты хæринаггæнджыты ахуыртæ. Æппæт Ирыстонæй 53 хæринаггæнæджы бафæндыд сæ фæлтæрддзинад фæбæрзонддæр кæнын.  Цæгат Ирыстонæй 53 хæринаггæнæджы бафæндыд Дзæуджыхъæуы базарадон-экономикон техникумы профессионалон æмæ уæлæмхасæн профессионалон ахуырады федералон проект «Содействие занятости населения» æмæ национ проект «Демография»-йы фæлгæты хæринаггæнджыты ахуыртæ ацæуын. Найфонты Светланæ дæр балæвæрдта курдиат æмæ йæ равзæрстой. Проектмæ кæй бахаудта, уымæй райгонд у. Теори æмæ практикæйы хуызы, 144 сахаты æмгъуыдмæ, «WorldSkills»-ы стандарттæ хынцгæйæ, проекты архайджытæ, фæлтæрдджын экспертты амынддзинæдтæ æххæстгæнгæйæ, базыдтой, нырыккон технологитæй куыд пайда кæнын хъæуы, продукттимæ раст куыд бакусын хъæуы, уыдоны хыгъды ма хæрзад æмæ хæрздæф хæринæгтæ фынгыл куыд рæсугъддæр æмæ аивдæр æрæвырæн ис, уый. Æппæт уыцы хъуыддæгтæ базыдтой фæлтæрдджын специалистты фæрцы. Ныр радтой фæлварæн. Ахуырты кæронбæттæны архайджытæ райстой сæрмагонд æвдисæндартæ. Ацы хъуыддаг къухы бафтыд сæрмагонд паддзахадон Гранты фæрцы. 54 адæймагæн фæзынд пайдайаг ахуыртæ ацæуыны фадат. Уымæй уæлдай ма æмгуыст кæнынц куыстуæттимæ. Уыдоны хиæуттæн сæ бон хи цæстæй фенын у, сомбон сæ куыстуатмæ цавæр кусæг, цавæр арæхстдзинæдтимæ бакъахдзæф кæндзæн, уый. Проект æххæстгæнгæйæ ма ахуыртæ аразджытæм фæзынд фидæнмæ нысæнттæ дæр. Программæйы сæйраг нысан у, 50 азæй фылдæр кæуыл цæуы, уыдоны срæзæнгард кæнын хиуыл дарддæр кусынмæ. Ахуырты бацархайæн ис лæвар. Хъæуы æрмæстдæр ныффыссын курдиат портал «Работа в России». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv