РЦИ-А цæуы рейдтæ, санитарон-эпидем. домæнтæ куыд æххæстгонд цæуынц, уый сбæрæг кæныны нысанимæ
Базарадон бынæтты æмæ куыстуæтты санитарон домæнтæ куыд æххæстгонд цæуынц, уый сбæрæг кодта сæрмагонд къорд. Фæлхасгæнджытæм цæстдарды управлени, Уæрæсейы гварди, дзуапдæттæг министрадты минæвæрттæ æмæ Дзæуджыхъæуы администраци уæнгтæ бабæрæг кодтой завод «Радуга», типографи «Осетия-Полиграфсервис» æмæ егъау базарадон центртæ. Маскæтæ дарын, дезинфекци æмæ тæвдбарыны фæтк. Специалисттæ ма се 'ргом цæмæ аздæхтой, уый тыххæй нæ дарддæры æрмæджы. Завод «Радугæ»-йы ныртæккæ кусынц 200 адæймаджы. Куыстуаты цæттæ кæнынц æфсæддон ифтонггæрзтæ. Санитарон-эпидемиологон домæнтæм кæсынц бæстонæй. Сæрмагонд уагæвæрдмæ гæсгæ куыстой коронавирусы низ фыццаг хатт куы стынг ис, уæддæр. Æххæст кæнынц маскæтæ дарын, дезинфекци æмæ тæвд барыны фæтк. Цæмæй адæм къаддæр æмбæлой кæрæдзиимæ, уый тыххæй сæ фæскуыст ластой куыстуаты хæдтулгæйыл. Заводы кусджыты фылдæр хай ацыд вакцинаци дæр. Фæлхасгæнджытæм цæстдарды управлени маниторингы хатдзæгтæм гæсгæ разыйæ баззадысты. Цы уагхæлдтытæ рабæрæг кодтой, уыдон куыстуаты тагъд рæстæг аиуварс кæндзысты. Разыйæ баззадысты горæты егъау дуканитæй иуæй. Æрбахизæны æдзухдæр маскæтæ. Сæ цуры дезинфекигæнæнтæ. Æппæт домæнтæ æххæст кæнынц кусджытæ сæхæдæг дæр. Санитарон уагæвæрд адæмæй цы домы, уый æмбарынц. Дуканийы дарынц маскæтæ. Мониторингы иннæ бынат — типографи «Осетия-Полиграфсервис». Кусынц дзы 50 адæймаджы. Фæлæ ныртæккæ цехты вæййынц æрмæст дыууæйæ. Кусджытæ барвæндолнæй ацыдысты вакцинаци. Фæлхасгæнджытæм цæстдары управлени, Мидхъуыддæгты министрад, Уæрæсейы гварди, экономикæйы министрад æмæ горæты администрацийы минæвæрттæ иумæйагæй рейдтæ фæнд кæнынц аразын æрвылбон дæр. Бæрæггонд цæудзысты куыстуæтты, базарадон бынæтты æмæ хæрæндæтты санитарон домæнтæ куыд æххæст кæнынц, уый. Рейдтæ иу расидтдзысты, цалынмæ республикæйы низы апарахат нæ фæкъаддæр уа, уæдмæ. Уыимæ ма алы куыстуат дæр бæрæг кæндзысты цалдæр хатты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv