Хетӕгкаты Къостайы райгуырды 167 азы бон сбӕрӕг кодтой Мӕскуыйы 1164-ӕм скъолайы

Хетӕгкаты Къостайы ном абон ссардтой Мӕскуыйы дӕр. 1164-ӕм скъолайы кæрты поэты бюсты раз сæвæрдтой дидинджытæ. Скульптор Михаил Сердюковы арæзт монумент байгом афӕдзы размӕ Цӕгат Ирыстоны минӕварады хъӕппӕрисӕй ӕмӕ сси проект "Уӕрӕсейы Намысы Аллея"-йы хай. Мадзалы архайдтой ӕхсӕнадон организациты минӕвӕрттӕ, ахуырад ӕмӕ культурӕйы архайджытӕ, ирон ӕхсӕнады уӕнгтӕ. Æрбацæуджытæн арфæ ракодтой Цæгат Ирыстоны æххæстбарджын минæвар Уæрæсейы Президенты цур Игорь Барсков, уыимæ ӕхсӕнады хистӕртӕ. Бӕрӕгбоны программæйы — концерт ӕмӕ спектакль "Хетагуров"-ы презентаци. Уазджытӕ базонгӕ сты поэты сфӕлдыстадимӕ. 1164-ӕм скъола у Беслӕны 1-ӕм скъолайы ӕфсымӕрон ӕмӕ уый мадзалӕн дӕтты сӕрмагонд нысаниуӕг.