Уæрæсейы фæлгасхæнджытæм цæстдарды регионалон управ. специалисттæ бабæрæг кодтой базарадон центртæ

Ныр та коронавирусы уавæры тыххæй. Ивгъуыд суткæмæ ковидæй амардысты 3 адæймаджы. Æдæппæтæй сæ нымæц сси 147. Регионы коронавирусæй рынчынты нымæц у 15 362. 14 523 сдзæбæх сты. Специалисттæ зæрдыл лæууын кæнынц, адæм бирæгæйттæй кæм æбырд кæнынц, уым æнæмæнг маскæтæ дарын, стæй, социалон дистанци æххæст кæнын кæй хъæуы, уый. Домæнтæ куыд æххæст кæнынц, уымæ сæ цæст дарынц Уæрæсейы фæлхасгæнджытæм цæстдарды регионалон управленийы кусджытæ. Абон специалисттæ бабæрæг кодтой Дзæуджыхъæуы базарадон центртæ. Мониторингы бæрæггæнæнты тыххæй бæлвырддæр радзурдзæн нæ уацхæссæг. Дзæуджыхъæуы базарадон центрты æппынæдзух бирæ адæм вæййы. Уæрæсейы фæлхасгæнджытæм цæстдарды службæйы специалисттæ æрвылбон рацæуынц рейды. Бæрæг кæнынц, дуканиты, сывæллæтты хи ирхæфсæн центрты санитарон домæнтæ куыд æххæстгонд цæуынц, уый. Къухты дезинфекци æфснайыны рæстæгмæ, буары тæвд барынмæ специалисттæ фиппайнæгтæ не 'рхастой. Центры кусджытæ эпидемиологон домæнтæ бæстонæй æххæст кæнынц, фæлæ центрмæ чи æрбацæуы, уыдон та нæ. Фæткхалджыты бафхæрынц административон æгъдауæй. Амалхъом адæймæгтæ æмæ, юридикон бæрнондзинад кæмæ ис, уыдоны бæфхæрынц карздæр. Кæд хæцгæ низ фæсаст, уæддæр республикæйы маскæтæ дарыны фæтк æххæст кæнын хъæуы. Специалисттæ сидынц адæммæ, цæмæй уавæрмæ куыдфæндыйы цæстæй ма кæсой æмæ санитарон домæнтæ æххæст кæной. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv