Битарты Вячеслав фембæлд Цæгат Ирыстоны муфтий Гуæцæлты Хадзымуратимæ

Республикæйы сæргълæууæг Битарты Вячеслав фембæлд Цæгат Ирыстоны муфтий Гуæцæлты Хадзымуратимæ. Дзырдтой конфесситы `хсæн хæлар ахастытæ фидар кæныныл. Кæстæр фæлтæры раст хъомыладмæ управлени хæссы ахадгæ бавæрæн. Аразынц хæрзаудæн акцитæ, кæсынц æххуысцух бинонтæм. Гуæцæлты Хадзымураты ныхæстæм гæсгæ, фарон кæд æнцон нæ уыд, уæддæр къухы бирæ мадзæлттæ бакæнын бафтыд. 17-æм мартъийы пысылмæтты управленийы уыдзæн радон æмбырд. Уым хæстæгдæр 5 азмæ равзардзысты муфтийы. Битарты Вячеслав арфæ ракодта управленийы разамындæн се `нæнцой куысты фæдыл æмæ загъта, йæ зæрдæ дарддæры æнтыстджын æмархайдыл кæй дары. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv