Мæскуы дохтыртæ бабæрæг кодтой Республикон клиникон рынчындоны пациентты

Республикон Клиникон Рынчындоны пациентты абон бабæрæг кодтой Мæскуыйæ цы дохтырты дыккаг къорд ссыд, уыдон. Сбæлвырд кодтой рынчынты уавæр. Фылдæр æргом аздæхтой уæззай рынчынтæм. Æрфарстой сæ сæхи куыд æнкъарынц æмæ сæ куыд дзæбæх кæнынц, уымæй. Гæнæн ис æмæ мæскуыйаг специалисттæ сæхи ивддзинæдтæ бахæссой. Сæ сæйраг хæс у, коронавирусы ног хуызæй чи фæрынчын, уыдоны дзæбæх кæныны хъуыддаджы баххуыс кæнын.  Къорды сæргъы ис медицинон наукæты доктор, хирург Сергей Ларичев, йемæ – 6 медицинон кусæджы. Уыдон се `ппæт дæр Мæскуыйы архайдтой коронавирусы ныхмæ мадзæлтты. Сæ фæлтæрддзинадæй ныр хай кæндзысты бынæттон дохтыртæн. Хæстæгдæр рæстæг, хъуамæ бабæрæг кæной алы медицинон кусæндон дæр, коронавирусæй рынчынтæ кæм ис, ахæмтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv