Уæрæсейы цæрджытæй лæвар хостæ чи исы, уыдоны федералон регистрмæ бахæссыны фæдыл бардзырд бафыста

Уæрæсейы цæрджытæй лæвар хостæ исæн кæмæн ис, уыдонæн хъæуы саразын сæрмагонд хыгъд. Федералон регистрмæ бахæссыны фæдыл бардзырд бафыста премьер-министр Михаил Мишустин. Льготæтæм гæсгæ хостæ æмæ медицинон кусæнгæрзтæ лæвар дæттæн кæмæн ис, уыдоны хыгъд кусын райдайдзæн 2021-æм азӕй. Ссарæн дзы уыдзæн, канд федералон нæ, фæлæ ма регионалон льготникты тыххæй информаци. Фыст дзы уыдзæн сæ нымæц, диагноз, хостæй цас ифтонг сты, уый. Иумӕйаг хыгъд фадат ратдзæн, хостæ кæй хъæуы, уыдонмæ сæ афойнадыл хæццæ кæнын. Проекты куыстæн дзуапп дæтдзæн Æнæниздзинад хъахъхъæныны министрад. Премьеры ныхæстæм гæсгæ, цæрджыты тыххæй информаци æмæ хи бæрæггæнæнтæ цæстфæлдахджытæй хъӕуы бахъахъхъæнын. Уæ зæрдыл уын æрлæууын кæндзыстæм, льготæтӕ лæвар райсыны бар ис хæсты ветерантæн æмæ йе `нæниздзинад хъыгдæрд кæмæн у, уыдонæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv