Цæгат Ирыстоны скъолаты разамонджытæн сарæзтой дæсныйад уæлдæргæнæн ахуыртæ

Цæгат Ирыстоны районты скъолаты директортæн сарæзтой дæсныйад уæлдæргæнæн ахуыртæ. Сæрмагондæй уый тыххæй республикæмæ ссыдысты Мæскуыйы паддзахадон педагогон университеты специалисттæ. Дзуапдæттæг кусæндоны куыд загътой, афтæмæй ахæм курсытæ нæ регионы цæуынц фыццаг хатт. Къуыримæ, 29-æм мартъийæ 3-æм апрелмæ, ахуыртæ ацуæдзысты 3 мин адæймаджы. Се 'хсæн - скъолаты директортæ, ахуырады управленийы разамонджытæ æмæ сæ хæдивджытæ. Курсыты фӕстӕ уыдзæн кæронбæттæн ныхас, уыимæ алы адæймагмæ сæрмагонд программæты фæрцы уыдзæн хицæн ӕркаст. Мæскуыйаг специалисттæ дӕр сӕм ахуырты фæстæ сæ цæст дардзысты. Ног зонындзинæдтæ дæтдзысты интерактивон хуызы, архайджыты адих кӕндзысты къордтыл. Уый руаджы теорийæ практикæмæ рахизын æнцондæр уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv