Дзæуджыхъæуы 17 æм маршруты шофыртæ куыстмæ нæ рацыдысты

Дзæуджыхъæуы 17 -æм маршруты шофыртæ абон куыстмæ нæ рацыдысты. Уымæн аххосаг — бонмæ сын цы пълан снысан кодтой, уый. Дыууæ мæймæ сын 2 мин сомæй схызт 3 мин 700 соммæ. Афтæмæй сæ боны рæстæмбис æфтиаг та у 7 мин 500 сомы. Абон Дзæуджыхъæуы цæрджытæ баззадысты 17 маршруты транспортмæ æнхъæлмæ кæсгæйæ. Уавæры аххосаг - шофыртæ куыстмæ нæ рацыдысты. 25 шофыры разы не сты, бонмæ сын цы пълан снысан кодтой, уыимæ. Дыууæ мæймæ сын 2 мин сомæй схызт 3 мин 700 соммæ. Афтæмæй, шофыртæ техникон ӕгъдауӕй сӕ хӕдтулгӕтӕм зилынц сæхæдæг. Ныр дыккаг бон 17-æм маршруты шофырты базонын фæнды, пъланы бæрц æваст цæмæ фæфылдæр, уый. Фæлæ сын дзуап раттæг нæй. Шофыртæ ма хъаст кæнынц æппынæдзух иваргонд кæй цæуынц, уымæй. Хатгай мæймæ 8 мины онг схизынц. Уыимæ ма хæдтулгæты салоны камерæтæ балцы лыстæг хабæрттæ нæ иртасы. Не сфæлдыстадон къорды бафæндыд уавæры аххосæгтæ равзарын. Транспортон компанийы директор Рустам Гамидов куыд фехъусын кодта, афтæмæй хъуыддаджы тыххæй сӕ бон зæгъын ницы у. Ныртæккæ архайынц фарстайыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv