Битарты Вячеслав «Ирыстоны намыс» ы орден саккаг кодта Токаты Нохæн

Республикæйы кадджындæр хæрзиуæг «Ирыстоны намыс»-ы орденæй та Битарты Вячеслав схорзæхджын кодта профессор, Парламенты депутат Токаты Нохы. Ацы бонты Цæгат Ирыстоны зонады сгуыхт архайæг сбæрæг кодта йæ 80 азы юбилей. Республикæйы сæргълæууæг ын раарфæ кодта, бузныг ын загъта йæ хъазуатон фæллойы тыххæй. Юбилярæн æхсызгон уыд ахæм хæрзиуæг райсын, загъта, дарддæр дæр кæй кусдзæн республикæйы рæзтыл. Зæгъдзыстæм ма уый, æмæ Токаты Нох экономикон зонад ахуыр кодта йæ царды дæргъы. Каст фæцис Мæскуыйы паддзахадон университет. Ныртæккæ у Нью-Йорчы зонады академийы уæнг. Токаты Нох ма лæууы Цæгат Ирыстоны паддзахадон университеты экономикæ æмæ разамынды факультеты «Финансы и кредит», зæгъгæ, дæсныйады кафедрæйы сæргъы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv