Цæгат Ирыстоны кæронмæ æрхæццæ скъоладзаутæн сæрдыгон сфæлдыстадон сменæ «Ступени мастерства»

Цæгат Ирыстонмæ радон хатт ссыд Санкт-Петербургы Мариинаг театры прима-балеринæ Юлия Махалина. Раздæр дæр иу сарæзта республикæйы дæсныйад æвдисæг ахуыртæ. Ныр та, сæрдыгон сфæлдыстадон сменæйы фæлгæты регионы алы районты æрыгон курдиæттæн фадат фæци Уæрæсейы адæмон артисткæйы базонын. Уый дæр сын йæ дæсныйады сусæгдзинæдтæ нæ басусæг кодта. Бæлвырддæр, нæ дарддæры æрмæджы. Балеринæтæ аивадуарзджыты зæрдæтæ бахæнынц сæ аив кафтæй. Адæймаджы дисы бафтауынц. Раст цыма аргъауы фестынц, афтæ. Сценæмæ рацæуыны размæ, бирæ рæстæг балеринæтæ сæ алы фезмæлдыл дæр бæстонæй бакусынц балетон къласы. Чызджытæй алчидæр бæллы стыр сценæйыл йæ дæсныйад равдисын. Ног курдиæттæ ссарынæн Дзæуджыхъæумæ ссыд Санкт-Петербургы Мариинаг театры прима-балеринæ Юлия Махалина. Мариинаг театры цæгатирыстоайнаг хайады балетмейстер Суанты Валерий фидарæй зæгъы, хореографийæн республикæйы стыр фидæн ис. Аивæдты лицейы сæрдыгон сфæлдыстадон сменæйы рæстæг республикæйы алы районтæй сабитæн фадат ис сæ курдиат равдисын. Зарæггæнджыты ахуыртæн разамынд дæтты Дзанайты Ольгæ. Къорд кусы ирон адæмон зарджытыл. Кæронмæ æрхæццæ æрыгон нывгæнджыты сменæ дæр. Аивадон куыстытæн аргъ кæны Цæгат Ирыстоны курдиатджындæр нывгæнджытæ. Сæ ахуыртæ фæвæййынц музыканттæн дæр. Аивæдты лицейы сфæлдыстадон сменæ «Ступени мастерства» цæуы 2019 азæй фæстæмæ. Сæрмагонд къамисы уæнгтæ равзарынц республикæйы алы районтæй 50 курдиатджын сабийы. 18 боны дæргъы сæ бон у сæ арæхстдзинадыл бакусын. Кæронбæттæны бацæттæ кæнынц концертон программæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv