Хуссар Ирыстоны ивгъуыд суткæмæ коронавирус рабæрæг 12 адæймагмæ

Коронавирусæй рынчынты нымæцыл Хуссар Ирыстоны дæр бафтыд. Уæрæсеимæ арæнтæ куы байгом сты, уæдæй абонмæ дзы рабæрæг кодтой 33 ног рынчыны. Ивгъуыд суткæмæ иртæстытæ сарæзтой 34 адæймагæн, уыдонæй 12-мæ ссардтой тæссаг низ. Уый тыххæй фехъусын кодта Хуссар Ирыстоны фæлхасгæнджытæм цæстдарды управленийы разамонæг Кочиты Мæринæ. Ковид кæмæ ссардтой уыдонæй дыууæйӕ сты уæрæсейаг æфсæддонтæ. Æдæппæтæй майы райдианæй хæдбар паддзахады вирусæй фæрынчын сты 123 -йæ. Уыдонæй иу адæймаг дæр рынчын уæвгæйæ тыхст нæ уыд. Республикон рынчындоны сæйраг дохтыр Биченаты Индирæйы ныхæстæм гæсгæ, Хуссар Ирыстоны ис æнæмæнг маскæтæ дарыны фæтк. Бæстыхай та цæттæ кæнынц, инфекци, мыййаг, абухын куы райдайа, уыцы рæстæгмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv