Цæгат Ирыстоны социалон нысаниуæг кæмæн ис, уыцы объекттæ ифтонггонд сты хъармæй

Цæгат Ирыстоны æппæт социалон, ахуырадон æмæ медицинон уагдæттæ дæр ифтонггонд сты хъармæй. Ацы аз хъармгæнæн рæстæг республикæйы райдыдта фæткмæ гæсгæ. Бирæ кусæндæтты ис хи хъармгæнæнтæ. Елхотты æртыккаг скъолайы хъармгæнæн рæстæг райдыдта фæткмæ гæсгæ - 21 октябры. Ахуыргæнæндон байгом дыууæ азы размæ. Ис дзы хи хъармдæттæн. Температурæ скӕнынц боныхъæд хынцгæйæ. Скъолайы бынат ис 360 сывæлллонæн. Æмбæлгæ уавæртæ дзы сарæзтой ахуырдзаутæн дæр æмæ ахуыргæнджытæн дæр. Хъарм у Елхотты рынчындоны дæр. Æрвылбон дзы медицинон æххуыс кӕнынц 200 районы цæрӕгӕн. Уазӕлттæм медицинон кусæндоны цæттæ сты. Рынчындоны дӕр ис хи хъармдæттæн. Моргуаты Таймураз, Кировы районы рынчындоны сæйраг дохтыры хæстæ рæстæгмæ æххæстгæнæг: «Ныртæккæ уæлдæфы температурæ хорз у, куыд пациенттæн, афтæ медицинон кусджытæн дæр. Ис ма нæм 4 фелсырон-акушерон пункты, 3 амбулаторийы. Уым дæр ис хи хъармдæттæнтæ. Бахъуаджы, боныхъæд æвзæрырдæм куы раивы, уæд æй скусын кæнæм æмæ, цавæр темературæ фæхъæуы, уый сæвæрæм». Цæгат Ирыстоны хъармгæнæн рæстæг райдыдта 19 октябры. Кæд уæлдæфы температурæ бæрзонд у фæззæгæн, уæддæр хъарм ныртæккæ цӕуы, социалон нысаниуæг кæмæн ис, уыцы объекттæм се'ппæтмæ дæр. Рынчындæттæ, скъолатæ ӕмӕ рæвдауæндæттæм. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv