Æппæтуæрæсеон адæмон фронты активисттæ сарæзтой мониторинг Æрæфы районы фелсырон акушерон пунктты ар

Национ проект «Здравоохранение»-йы фæлгæты нæ республикæйы æнтыстджынæй аразынц фелшырон-акушерон пункттæ. Хъуыддæгтæм сæ цæст дарынц Æппæтуæрæсеон адæмон фронты уæнгтæ. Куыстытæ бæлвырд æмгъуыдмæ гæсгæ цæуынц æви нæ, уыимæ цавæр хъæндзинæдтæ рабæрæг кодтой адæмон фронты активисттæ. Астæуккаг Урухы Æрæфы районы байгом фыццаг фелсырон-акушерон пункт. Сарæзтой йæ «Æнæниздзинадхъахъхъæнынад»-ы нацпроекты фæлгæты. Æппæтуæрæсеон адæмон фронты уæнгтæм разынд бæстыхайв бахизӕнты тыххӕй фиппаинæгтæ. Уæллаг Урухы фелсырон-акушерон пункты дæр куыстытæ кæронмæ фæвæййынц. Медицинон пункт ифтонг кæнынц нырыккон кусæнгæрзтæй. Бакусдзысты ма коммуникацитӕ снывыл кӕныныл дæр. Советский хъӕуы фелсырон-акушерон пункты та куыстытæ афойнадыл нæ баххæст кодтой. Æппæтуæрæсеон фронты минæвæрттæ куыд фæбæрæг кодтой, афтæмæй къуылымпытæ фæзынд асфальт ӕвӕрыны хъуыддаджы. Куыстытæ æххæстгæнæг компани ныфс бавæрдта хъæндзинæдтæ цыбыр рæстæгмæ аиуварс кæнынӕй. Æппæтуæрæсеон адæмон фронты уæнгтæ цы фелсырон-акушерон пункттæ бабæрæг кодтой, уым нæ уыдысты цӕттӕ бацæуæн фæндæгтæ. Уый фæдыл та ныхас кæнын хъæуы районы администрациимæ. Ахæм рейдтæ æппæтуæрæсеон адæмон фронты регионалон уæнгтæ саразынц арæх. Цы хъæндзинæдтæ ссарынц, уыдон арвитынц профилон министрадмæ. Уым дарддæр фарстайыл бакусынц. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv