Цæгат Ирыстоны картингыл æнувыд сабиты нымæц фалдæр кæны

Цæгат Ирыстоны скъоладзауты 'хсæн парахатдæр кæны картинг. Æрыгон спортсменты ахуыр кæнынц карт тагъд скъæрыныл, алыхуызон æнæнхъæлæджы уавæрты хи куыд дарын хъæуы, уыдæттыл. Картингы къордты архайгæйæ, сабитæ базонынц хæдтулгæтæ куыд арæзт сты, уый, стæй сæ истори. 2019-æм азы республикæйы нацпроект «Ахуырад»-ы руаджы республикæйы фæзынд 16 карты. Уайтагъд экстремалон спортæй архайын кæй фæнды, уыдоны нымæц дыууæ хатты фæфылдæр. Ахуыргæнджытæ куыд зæгъынц, афтæмæй сабитæн карт сæмбырд кæнын стыр пайда хæссы. Базонынц ыл скъæрын, стæй йæ ерыстæм дæр сæхæдæг бацæттæ кæнынц бахъуаджы сахат. Сабитæ архайынц алы къæпхæнты ерысты. Ацы аз эпидемиологон уавæрмæ гæсгæ бирæ нæ уыдысты, фæлæ уæддæр центры командæ архайдта Кæсæг-Балхъары чемпионаты картингæй æмæ дзы стыр æнтыстдзинæдтæ равдыста. Фæбæрæг ма кæндзыстæм, картингы къордтæ кусынц Дзæуджыхъæу, Мæздæг æмæ Беслæны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv