Владимир Путин фæсидт Федералон æмбырды уæнгтæм

Уæрæсейы президент Владимир Путин фæсидт Федералон æмбырды уæнгтæм йе `рвылазон ныстуанимæ. Йæ раныхас райдыдта, дуне æмæ нæ бæстæйы цы ног низ апарахат, уымæй. Пандемийæ нæ бæстæйы цæрджыты цардмæ бахаста ивддзинадтæ. Фæнысан кодта медицинон кусджыты фыдæбон. Владимир Путин йæ раныхасы уæлдай æргом аздæхта æнæниздзинад хъахъхъæнынад, социалон политикæ, экономикæйы уавæр, бæстæйы æддаг политикæ æмæ æдасдзинады къабӕзтӕм. Владимир Путин хицауадæн бабар кодта, сабитæ цы бинонты хъомыл кæны, уыдонæн æххуысы программæйыл фыццӕгӕм июлмӕ бакусын. Уӕдӕй фæстæмæ 8 азæй 16 азы онг сывæллæттæй æххæст бинонты чи нæ хъомыл кæны, уыдонæн æрвылмæй фиддзысты 5 мин 650 сомы. Уыимæ ма президент фæнысан кодта, æнхъæлцау сылгоймæгтæй царды зын уавæрты чи бахауд, уыдонæн æххуыс дæр. Снысан сын кæндзысты æрвылмæйон фиддон 6 мин 350 сомы. Уыимæ ма Владимир Путин куыд фехъусын кодта, афтӕмæй, скъоладзаутæ цы бинонты хъомыл кæны, уыдон иу хатт райсдзысты фæйнæ 10 мин сомы. Се 'хсæн фидæны фыццагкъласонтæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv