Музыкалон скъолаты 75 ахуыргæнæджы ацыдысты дæсныйад уæлдæргæнæн ахуыртæ

Музыкалон скъолаты 75 ахуыргæнæджы ацыдысты дæсныйад уæлдæргæнæн ахуыртæ. Амыдтой сæ Гнесинты номыл музыкалон академийы дæсны кусджытæ. Ахуыргæнджытæн радзырдтой музыкалон ахуырады ногдзинæдты тыххæй. Лекцитæ сын каст зындгонд музыкæ иртасæг, психологон наукæты доктор Дина Кирнарская. Уый сæ онлайн хуызы базонгæ кодта ног къабæзты сусæгдзинæдтимæ. Дæсныйад уæлдæргæнæн ахуыртæ арæзт æрцыдысты национ проект «Культурæ»-йы фæлгæты. Ахуыргæнджыты ныхæстæм гæсгæ, ног зонындзинæдтæ куысты, æнæмæнг, уыдзысты хъæугæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv