Мемориалон комплекс «Барбашовы фӕз» ы ацыд мысӕн изӕр Фарныхъӕуӕй рацӕуӕг хӕстонтӕн

Мемориалон комплекс «Барбашовы фӕз»-ы ацыд мысӕн изӕр Фарныхъӕуӕй рацӕуӕг хӕстонтӕн. Уыдон Фыдыбӕстӕйы Стыр хӕсты фӕмардысты хъӕбатырӕй. Цӕгат Ирыстоны мидхъуыддӕгты министрады культурон центры кусджытӕ мадзалы рӕстӕг уазджытӕн сарӕзтой экскурси. Архайдтой дзы Фарныхъӕуы культурӕйы хӕдзары кусджытӕ, ахуыргӕнджытӕ ӕмӕ ахуырдзаутӕ. Ӕдӕппӕтӕй Фарныхъӕуӕй Фыдыбӕстӕйы Стыр хӕстмӕ ацыд 538 адӕймаджы, уыдонӕй 214 фӕстӕмӕ нал ӕрыздӕхтысты. Культурӕйы хӕдзары кусджытӕ ӕмӕ скъоладзаутӕ радзырдтой ӕмдзӕвгӕтӕ. Ӕрымысыдысты се 'мхъӕуккӕгты. Мидхъуыддӕгты министрады Культурон центры кусджытӕ архайджытӕн равдыстой музейы экспонаттӕ. Фӕсивӕд цымыдисӕй кастысты салдӕтты ӕмӕ офицерты уыцы рӕстӕджы дзаумӕттӕм, дамбацатӕм. Хистӕртӕ куыд бафиппайдтой, афтӕмӕй «Барбашовы фӕз» у, райгуырӕн бӕстӕмӕ уарзондзинад кӕм гуырын кӕны, ахӕм бынат. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv