Цæгат Ирыстон райста тагъд медицинон æххуысы ног 11 хæдтулгæйы

Тагъд медицинон æххуысы автомобилон паркы фæзынд ног хæдтулгæтæ. Республикæйы цæрджытæн лæггад кæндзысты ноджыдæр 11 тагъд æххуысы къаретты. Ног транспорт ифтонггонд у нырыккон медицинон кусæнгæрзтæй. Тагъд медицинон æххуысы автомобилон парк ног кæнынц 2016 азæй фæстæмæ. Сæрмагонд федералон программæйы фæлгæты. Уæдæй абонмæ ногтæй баивдтой хæдтулгæты 80%. Ацы аз ног коронавирусы инфекци кæй апарахат, уымæ гæсгæ Уæрæсейы хицауады фæстауæрцгæнæн фондæй ацы хъуыддагæн рахай кодтой 28 милуан 935 мин сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv