Æрцахстой, республикæйы наркотиктæ чи парахат кодта, уыцы закъонхалæджы

Мидхъуыддæгты министрады кусджытæ æрцахстой, республикæйы наркотиктæ чи парахат кодта, уыцы закъонхалæджы. Ссардтой йæм, пайда кæныны бар кæмæй нæй, ахæм хос «Мефедрон», зæгъгæ, 250 тыхтоны. Оперативон-агурæн мадзæлтты рæстæг куыд сбæрæг, афтæмæй фыдгæнæг разынд Железноводскы цæрæг, 1999 азы гуырд нæлгоймаг. Интернеты тыгъдады фæрцы йæхицæн ссардта «æнцон» куыст. Цæгат Ирыстонмæ ссыд, «Мефедрон»-ы стыр парти балхæнынмæ. Йæхæдæг æй ныххæйттæ кодта. Уый фæстæ та йæ фæнд кодта алыхуызон бынæтты бамбæхсын. Наркотиктæ уæй кæнгæйæ йæ ’рцахстой æхсæвыгон Дзæуджыхъæуы. Закъонхалæг басаст, 20 ран наркотик кæй бамбæхста, ууыл. Чырæ телефоны фæрцы равдыста уыцы бынæтттæ. Барадхъыхъхъæнджытæ сæ уайтагъд ссардтой æмæ фесафтой. Слестгæнджытæ закъонхалæджы ныхмæ байгом кодтой уголовон хъуыддаг. Гæнæн ис, æмæ ахæстоны фæбада 8 азæй - 15 азы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv