Цæгат Ирыстоны æххæст кæнынц «Скъолаты ахуырдзауты рагагъоммæйы цæттæдзинад» ы проекты

Æрыгæттæн баххуыс кæнын сæ профессионалон фæндаг равзарынмӕ. Уый у «Скъолаты ахуырдзауты рагагъоммæйы цæттæдзинад»-ы проекты сæйраг нысан. Нæ республикæйы йæ æххæст кæнынц ныр 3 азы. Уæлæмхасæн ахуырты фæрцы скъоладзаутæн сæ бон у сæхи алыхуызон дæсныйæдты бафæлварын. Дæсныйадæвдисæн ахуыртæ ацыдысты Кировы районы скъоладзаутæ. Сæ фидæны дæсныйады тыххæй сын æрмæст дзургæ нæ ракодтой, фæлæ ма сын дзы фадат уыд сæхи практикæйы хуызы дæр бафæлвæрынӕн. Рагагъоммæйы профессионалон цæттæдзинады тыххæй бæлвырддæр нæ дарддæры æрмæджы. «Скъолаты ахуырдзауты рагагъоммæйы цæттæдзинад»-ы проект æххæст кæнын райдыдтой 2019 азы. Скъоладзаутæн нæ республикæйы алы куыстуæтты аразынц дæсныйадæвдисæн ахуыртæ æмæ экскурситæ. Елхоты бирæвæрсыг колледж сывæллæтты арæх суазæг кæны. Проекты райрæзтыл архайынц 6-11-æм кълæсты æххуысæй. Се 'ргом аздæхтой хъæууон-хæдзарадон къабазмæ. Змейкæйы скъолайы 9 къласы ахуыргæнинаг Болататы Зæринæ сабийæ нырмæ бæллыд хæринаггæнæг суæвынмæ. Колледжы хæрæндоны дæсныйадæвдисæн ахуырты куы бацархайдта, уæд бынтондæр сцымыдис ис. Фидарæй йæ зоны, раст фæндагыл кæй лæууы. Йæхæдæг куыд зæгъы, афтæмæй, йын тынг æхсызгон уыдзæн адæмæн хæрзад хæринаг цæттæ кæнын. Скъоладзаутæн дæсныйадæвдисæн ахуырты амыдтой зайæгойтæм раст зилын куыд хЬӕуы, уый. Æнæнхъæлæджы уавæрты министрады минæвæрттæ сын радзырдтой æмæ равдыстой, фыдбылызы хи куыд дарын хъæуы, уый тыххæй. Ахуыр сæ кодтой трактор тæрыныл дæр. Чызджытæн сарæзтой ирон чъири фыцыны сæрмагонд дæсныйадæвдисæн ахуыртæ. «Скъолаты ахуырдзауты рагагъоммæйы цæттæдзинад»-ы проект у федералон. Æххæстгонд цæуы Уæрæсейы ахуырад æмæ наукæйы министрады хъæппæрисæй. Бацархайын дзы йæ бон у алы скъоладзауæн дæр. Сывæллæттæн программæйы фæрцы фадат ис сæ зонындзинæдтæ фæфылдæр кæнынæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv