Уæрæсейы регионты разамонджытæ Координацион советы æмбырды ныхас кодтой коронавирусы уавæры тыххæй

Нырыккон технологитæй ифтонг, медицинон уагдæтты фаг бынæттæ æмæ специалистты дæсныдзинады тыххæй æрдзырдтой регионты разамонджытæ Координацион советы æмбырды. Амыдта йæ Уæрæсейы хицауады сæрдар Михаил Мишустин. Ныхас кодтой интернеты бастдзынады фæрцы. Æмбырды архайдта республикæйы сæргълæууæг Битарты Вячеслав. Дзырдтой коронавирусы ног хæцгæниз ма руадзыны тыххæй цы мадзæлттæ аразынц, уый тыххæй. Цы райхалинаг фарстатæ сæвзæрд, уыдон алыг кæныны тыххæй федералон бюджетæй рахай кодтой æмбæлгæ фæрæзтæ. Уыцы хæйттæй банывыл кæндзысты рынчындæтты фылдæр бынæттæ саразыны, медицинон кусæнгæрзтæ æмæ хосты фæстауæрцы хъуыддаг. Битарты Вячеслав куыд фæнысан кодта, æмбырды кæронбæттæн, афтæмæй хихъахъхъæныны фæрæзтæ амал кæныны тыххæй æппынæдзух хъæуы бадзырдтæ нысан кæнын. Уыимæ ма, тагъддæр скусын кæнын хъæуы ног компьютерон тамограф. 27-æм апрелы дзы хъуамæ пайда кæнын райдайой. Уый руажды пациентты иртæстытæн дзæвгар рæвдздæр хатдзæгтæ кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv