Тускъаты Таймураз бабæрæг кодта сывæллæтты хæдзар «Хуры Тын»

Æмдзæвгæтæ, зарджытæ, национ кæфтытæ æмæ, бæрæгбоны куыд æмбæлы, афтæ - лæвæрттæ. Сывæллæтты хæдзар «Хуры Тын»-ы хъомылгæнинæгтæн абон уæлдай æхсызгон бон у. Уазæгуаты сæм æрбацыд республикæйы хицауады сæрдары хæдивджы хæстæ рæстæгмæ æххæстгæнæг Тускъаты Таймураз йæ хæдивджытæ Æгъуызарты Мурат æмæ Кæсæбиты Игоримæ. Семæ ма мидхъуыддæгты министрады кусджытæ, Дзæуджыхъæуы префектурæйы æмæ амалхъомадæн æххуысы республикон фонды минвæрттæ. Сывæллæттæ сæхи тынг бæстонæй бацæттæ кодтой. Бацæрхайдтой бæрæгбонмæ концерт саразыныл дæр. Тускъаты Таймураз сывæллæттæн сæ бæрæгбоны фæдыл арфæ ракодта. Бузныг загъта сывæллæтты хæдзары кусджытæн, сæ фæлтæрддзинад æмæ хъармуд ныхас сабитæн кæй не 'вгъау кæнынц, уый тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv