Тускъаты Таймураз æмæ Людмилæ Башарина æрдзырдтой ахуырады къабазы фарстатыл

Ахуырады системæйы куысты хатдзæгтыл пандемийæйы рæстæг премьер Тускъаты Таймураз æрдзырдта республикæйы ахуырад æмæ наукæйы министр Людимила Башаринæимæ. Тускъаты Таймураз куыд бафиппайдта, афтæмæй дæрддзæг ахуырады рæстæг къабазы тыхджын æмæ лæмæгъ æууæлтæ рабæрæг сты. Премьеры ныхæстæм гæсгæ, ныртæккæ иформацион-коммуникацион технологитæ райрæзтæн стыр æххуыс сты. Уымæ гæсгæ ахсджиаг у, цæмæй сæ пайда кæной ахуырадон процессы. Уыимæ ма ахуыргæнджытæ сæ фæлтæрддзинад дæр фæбæрзонддæр кæной. Уæлдай æргом аздæхтой Иумæйаг паддзахадон фæлварæн дæттыны рæстæгмæ. Фæлварæнты рæстæг ахсджиаг у санитарон-эпидемиологон уавæрмæ уæлдай æргом раздахын, Уæрæсейы фæлхасгæнджытæм цæстдарды управленийы домæнтæ æххæст кæнын. Хи бахъахъхъæнынæн сæрмагонд дзауматæй ифтонггонд сты. Цæгат Ирыстоны ацы аз Иумæйаг паддзахадон фæлварæн дæтдзысты 4 мин адæймаджы. Экзаментæ ацæудзысты 3-æмæй 23-æм июльмæ. Уæлæмхасæн рæстæг снысан кодтой 3-æмæй 8-æм августмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv