Мæздæджы байгом кодтой социалон, медицинон æмæ ахуырадон объекттæ

Хъæугæ медицинон æххуыс, хæрзхъæд ахуырад, æдас фæндæгтæ. Ахæм нысæнттæ фидæнмæ йæ размæ æвæры Мæздæджы район. Æнтыстдзинæдтæ дæр сæм ис. Хъызлары байгом кодтой ног амбулатори. Сменæйы рæстæг лæггад кæндзæн 100 адæймагæн. Æппæты нырыккондæр кусæнгæрзты руаджы фадат фæзынд низ рагагъоммæ сбæрæг кæнынмæ. Уыимæ ма æвæстиаты æххуыс бакæнын дæр. Амбулаторийы кусдзысты 22 фæлтæрдджын медицинон кусæджы. Се сфæлдыстадон æмæ наукон зонындзинæдтæ Мæздæджы æрыгон цæрджытæ раргом кæндзысты «Кванторим»-ы. Ахуырадон центры сæхи фæлвардзысты 800 сывæллоны. Районы ма нывыл кæнынц инфраструктурæ дæр. Ног хид баиу кодта горæты дыууæ хайы Богдан Хмельницкийы æмæ Гагарины номыл уынгтæ. Уый руаджы хæстæгдæр хъæуты цæрджытæ горæтмæ дыууæ хатты тагъддæр хæццæ кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv