Цæгат Ирыстоны цæуы профилактикон мадзал «Пешеход», зæгъгæ

Цæгат Ирыстоны цæуы профилактикон мадзал «Пешеход», зæгъгæ. Йæ сæйраг нысан у адæмы æнæнхъæлæджы фæндаггон фыдбылызтæй бахъахъхъæнын. Инспектортæ сæ цæст дарынц Дзæуджыхъæуы æмæ нæ республикæйы районты фылдæр змæлд кæм ис, уыцы бынæттæм. Инспектортæ уромынц фæндаггон фæтк чи халы, уыцы фистæгцæуджыты æмæ хæдтулгæты шофырты. Ныхас кæнынц фæндаггон змæлды домæнтæ чи не `ххæст кæны, уыдонимæ. Закъонхалджытæм кæсы административон ивар. Уый та у иу минæй дыууæ мин соммæ 'ввахс. Æрвылазон акци цæудзæн 22 маймæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv