Цæгат Ирыстоны Паддзахадон университеты студенттæн кадджын уавæры радтой сырх дипломтæ

Цæгат Ирыстоны Паддзахадон университет иттæг хорз бæрæггæнæнтыл каст чи фæци, уыцы студенттæ райстой сæ дипломтæ. Кадджын уавæры сæ схорзæхджын кодтой ЦИПУ-йы ректор æмæ ахуыргæнæндоны президент. Дипломтæй уæлдай, ахуырдзаутæн саккаг кодтой арфæйы фыстæджытæ дæр. Ацы аз сырх диплом чи райста, уыцы студентты нымæц у 53. Се`хсæн бакалавртæ, магистрæ æмæ сæрмагонд специалисттæ. Университеты ректор, Огъуаты Аланы ныхæстæм гæсгæ, студенттæ сæхи иттæг хорз равдыстой канд ахуырады нæ, фæлæ ма университеты мидæг стыр ахадындзинад кæмæн ис, ахæм æндæр куысты дæр. Кадджын мадзал сарæзтой санитарон æппæт домæнтæ хынцгæйæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv