Национ проекты фæлгæты Цæгат Ирыстоны сцалцæг кæндзысты 7 скъолайы спортивон залы

Црауы скъолайы спортивон зал бындуронæй цалцæг кæнынц. Куыстытæ райдыдтой апрелы. Ныртæккæ раивтой бæстыхайы сæр, байсæрстой къултæ. Скъоладзаутæн дзаумæттæ ивынмæ сарæзтой ног агъуыстытæ, уым физкультурæйы урочы фæстæ сæ бон уыдзæн сæхи найын дæр. Ныртæккæ ма баззад аивгæнæн куыстытæ баххæст кæнын. Афтæмæй ног ахуыры азы райдианы сабитæ спортæй архайдзысты нырыккон уавæрты. Црауы спортивон зал цалцæг кæнынц национ проект «Ахуырад»-ы фæлгæты. Æххæст æй кæнынц нæ бæстæйы алы регионы дæр. Ацы аз Цæгат Ирыстоны йæ фæлгæты сцалцæг кæндзысты спортивон залтæ 7 скъолайы. Федералон бюджетæй уыцы хъуыддагæн рахай кодтой 31 милуан сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv