Æркасты Дзæуджыхъæуы базарадон экономикон техникумы студенттæ уыдысты хуыздæрты хсæн

Мин студентæй фылдæр республикæйы 7 уæлдæр æмæ 14 профессионалон ахуыргæнæндонæй равдыстой аивадуарзджытæн сæ курдиат «Студентон уалдзæг 2021-æм»-ы. Æппæтæй фылдæр уæлахиздзаутæ уыд Дзæуджыхъæуы базарадон-экономикон техникумы студентты 'хсæн. Сæ иумæйаг хагъд уыд 150 баллы, æфтæмæй техникумы иугонд командæ бацахста фыццаг бынат профессионалон ахуыргæнæндæтты 'хсæн. Ацы аз студентон уалдзæг ацыд Италийæн аргъ кæнгæйæ. Дзæуджыхъæуы базарадон-экономикон техникумы ахуырдзаутæ архайдтой 33 номинацийы. Алкæцыйы дæр дзы уыдысты раззагдæрты ’хсæн. Афтæмæй сæ хуызыны æрæмбырд кодтой 20 фыццаг бынаты, 11 дыккæгтæ æмæ 2 æртыккаг бынаты. Ахæм æнтыстдзинад техникумы студенттæн фыццаг хатт бафтыд сæ къухы. 2021-æм азы студентон уалзæгмæ ахуырдзаутæ сæхи цæттæ кодтой бæстонæй: æвзæрстой репертуар, бахуыдтой костюмтæ, баццæттæ кодтой декорацитæ. Уæлдай æргом аздæхтой тематикæмæ. Фестивальмæ цæттæгæнæн рæстæг студентты фарсмæ лæууыд ахуыргæнæндоны разамонæг Æбиты Валерий. Уый сын, йæ бон куыд уыд, афтæ æххуыс кодта. Бафиппайын хъæуы уый, æмæ ацы аз студентон уалдзæг рауад егъау æмæ цымыдисаг. 300 архайæджы нæ республикæйы уæлдæр ахуыргæнæндæттæй. Фестивалы кæронбæттæны - гала-концерт. Уым архайджытæ равдыстой сæ курдиат æмæ арæхстдзинад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv