Республикæйы районты дарддæр архайынц хъæддаг гæн фесафыныл

Республикæйы районты дарддæр архайынц хъæддаг гæн фесафыныл. «Мак-2020», зæгъæ, оперативон æмæ профилактикон операцийы фæлгæты, Алагиры районы Мызуры рабæрæг кодтой 2 мин квадратон метры фæзуатыл хъæддаг гæны къудзитæ. Æдасдзинады службæйы арæнхъахъæнæн разамынды, Алагиры районы администрацийы æмæ Мидхъуыддæгты министрады кусджытæ сæ басыгътой. Æдыппæтæй гæны 1 мин къудзийы. «Мак-2020» операцийы сæйраг нысан у наркотикхæццæ зайæгойтæ фесафын æмæ сæ æнæзакъонæй чи зайын кæны, уыдоны барадхæлдтытæ фæкъаддæр кæнын. Арæнхъахъхъæнджыты разамынды хицауад фæсидт адæммæ, цæмæй барадхъахъхъæнджытæм хабар кæной, накотикхæццæ зайæгойтæ исчи куы зайын кæна, кæнæ сæхæдæг искæм куы райрæзой, уæд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv