ЦИПУ ы ахсджиагдæр предметтыл нымад æрцыдысты истори æмæ информатика

Цæгат Ирыстоны Паддзахадон университеты ахсджиагдæр предметтыл нымад æрцыдысты истори æмæ информатика. Абитуриенттæ се ’ргом фылдæр аздæхтой юриспруденци, экономика æмæ стоматологимæ. Уымæй уæлдай ма истори, лингвистика, математика. Исæн къамисы секретарь Сокаты Тамарæ куыд фæбæлвырд кодта, афтæмæй информатикæ æвзæрст цæуы уымæн, æмæ 2018 азы математика æмæ информацион технологиты факультеты байгом кодтой сæрмагонд кафедра. Историйы тыххæй куы дзурæм, уæд зæгъын хъæуы уый, æмæ ЦИПУ æнгом бастдзинад дары Ираны университетимæ. Арæх студенттæ уырдæм ацæуынц ахуыр кæнынмæ дæр. Уымæй уæлдай ма, Сокъаты Тамарæ фæнысан кодта 2020 азы ЦИПУ-йы порталы системæ «Личный кабинет»-мæ курдиæттæ балæвæрдтой 2 671 абитуриенты. Бакалавриаты бюджетон бынæттæм бацыдысты 516 адæймаджы, специалитетмæ - 35, ординатурæмæ - 1, магистратурæмæ та 131 адæймаджы. Æдæппæтæй рахай кодтой 724 бюджетон бынаты. Æндæр бæстæтæй æрцæуæг студентты нымæц фæкъаддæр, коронавирусы низ кæй апарахат, уый тыххæй. Зæгъын хъæуы уый дæр, æмæ 2019 азы сæ нымæц уыд 112 адæймаджы, 2020 азы - 76. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv