ЦИПу йы коронавирусы тыххæй дыууæ факультеты раивтой дæрддзæфмæ хуызы ахуырадмæ

Цæгат Ирыстоны Паддзахадон Университеты коронавирусы тыххæй дыууæ факультеты раивтой дæрддзæфмæ хуызы ахуырадмæ. Юридикон æмæ историон факультеттæ ныр кусдзысты фæсаууонмæ хуызы. Уæлдæр ахуыргæнæндоны куыд фехъусын кодтой, афтæмæй ахæм ивддзинæдтæ баст сты, студенттӕ æмæ ахуыргæнджыты 'хсæн ковидӕй рынчынты кæй рабæрæг кодтой, уыимæ. Профилактикон мадзалы руаджы низ хъуамæ мауал апарахат уа. Ахуыртæ дарддæр дæр цæудзысты бæлвырд рæстæгмæ гæсгæ, ахуыргæнджытæн ис студенттимæ ӕмбӕлгӕ бастдзинад. Æмткæй райсгæйæ та, ЦИПУ-йы ахуырадон процесс цæуы комкоммæ ахуырты хуызы. Студенттæ аудиториты дарынц маскæтæ, ахуырдзаутæн цӕттӕ кӕнынц семинартæ, практикон æмæ лабораторон куыстытæ. Ӕрмӕст дзы нӕ кусынц, 30 адæймагæй фылдæр кæм цæуы, ахæм аудиторитæ. Иннæтæ ахуыргӕнӕн уӕттӕ, æнæмæнг, фæкæнынц дезинфекци. Бацæуæнты студенттæн барынц сæ тæвд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv