Цæгат Ирыстон абон бæрæг кæнынц Ирон æвзаг æмæ литературæйы бон

Цæгат Ирыстон абон бæрæг кæнынц Ирон æвзаг æмæ литературæйы бон. Нысангонд æрцыд 2003-æм азы æмæ баст у, 115 азы размæ Хетæгкаты Къостайы «Ирон фæндыр» мыхуыры кæй рацыд, уыимæ. Ирон æвзаг æмæ литературæйы бæрæгбоны фæдыл республикæйы цæрджытæн арфæ ракодта республикæйы сæргълæууæг Битарты Вячеслав. «Ирон æвзаджы ахадындзинад у æгæрон æмæ йæ бахъахъхъæнынмæ алчидæр хъуамæ бахæсса йæхи бавæрæн. Æвзагæн ис хъæздыг истори, бирæ уæрæсейаг æмæ фæсарæйнаг ахуыргæндтæ сæ цард снывонд кодтой ирон æвзаджы иртасæн куыстыл. Ахæм архайд цæуы Америкæйы, Германийы, Францийы, Турцийы æмæ дунейы æндæр бæстæты. Ирон æвзаг у нæ хæзна æмæ йæ хъæуы бахъахъхъæнын, уыимæ йæ райрæзтыл бакусын», - фæнысан кодта республикæйы сæргълæууæг. Фыссæджы ном ссарынмæ Дзæуджыхъæуы Мады-Майрæмы аргъуаны пантеонмæ æрбацыдысты парламенты сæрдар Алексей Мачнев, Вице-премьер Азымты Иринæ, Дзæуджыхъæуы муниципалон сконды сæргълæууæг Икъаты Русланбег æмæ культурæйы министр Къубалты Эльбрус. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv