Паддзахадон автоинспекцийы сусæг хъахъхъæнджыты къордтæ рад хæссынц Цæгат Ирыстоны

Паддзахадон автоинспекцийы сусæг хъахъхъæнджыты къордтæ рад хæссынц. Бæрæг кæнынц фæндæггон æдасдзинад. Ацы хъуыддагмæ уæлдай æргом аздæхтой республикæйы хицауады уæнгтæ дæр. Кæд статистикæйы бæрæггæнæнтæм гæсгæ фæндаггон фыдбылызты нымæц фæкъаддæр, уæддæр уавæр у зæрдæхсаинаг. Уæдæ цæрджытæ дæр арæх хъаст кæнынц шофыртæ горæты уынгтыл сæхи куыд дарынц, уымæй. Бæлвырддæр радзурдзæн Уазиты Зæлинæ. Цæгат Ирыстоны паддзахадон автоинспекцийы сусæг хъахъхъæнджыты къордтæ фæндæгтыл рад хæссынц. Сæ сæйраг хæс фæндаггон змæлды архайджыты æдасдзинад. Æхсæвæй-бонæй шофыртæй хæдтулгæ скъæргæйæ домæнтæ чи нæ æххæст кæны, уыдоны иртасынц. Афтæмæй, ивгъуыд къуыримæ фæндаггон пъæлицæйæгтæ раиртæстой административон фæткхæлдыдтæ. Бæлвырддæр дзургæйæ, хæдтулгæйыл ныхмæ æрцæуæджы размæ чи рахизт, сфетофоры сырх сигналыл чи ацыд, уыцы шофырты. Законхалджыты бафхæрдзысты административон æгъдауæй. Гæнæн ис, æмæ сын хæдтулгæ скъæрынæн бардæттæг гæххæттытæ байсой 2 азы æмгъуыдмæ. Фæндаггон фæтк халгæйæ арæх шофыртæ æмæ сæ бæлццæттæ бахауынц фыдбылызы. Хъыгдæрд баййафынц. Цæрджытæ ма арæх хъаст кæнынц шофыртæ æхсæвыгон хæдтулгæ тагъд кæй фескъæрынц, уыимæ ма уынаримæ. Уæдæ æхсæвыгон уынгты музыкæ хъæрæй чи суадзы, уыдонимæ тох кæнын дæр цæрджытæ бафæлладысты. Республикæйы æдсдзинады тыххæй цы мадзæлттæ арæзт цæудзæн, уыдоныл æрдзырдтой хицауады сæрмагонд къамис. Вице-премьер Таматы Ирбег фембæлды рæстæг фæнысан кодта статистикæйы бæрæггæнæнтæ. 8 мæйы æмгъуыдмæ фæндаггон фыдбылызты нымæц фæкъаддæр, фæлæ уæддæр уавæр сæ хæрзтæй нæу. Цæгат Ирыстоны цæрджытæ сусæг хъахъхъæнджыты къорд кæй сжвзæрд, уыимæ разы сты. Сæ ныхæстæм гæсгæ сæ зæрдæ дарынц, фæндаггон змæлды архайджытæ фæтк кæй нал халдзысты, ууыл. Шофырты закъонмæ гæсгæ бафхæрын къухы бафты цæрджытæ арæхдæр фæткхæлдыдты тыххæй кæй фехъусын кæнынц, уый руаджы. Барад хæлдыдтæ сисынц сæ телефонты камерæтæй. Æрбарвитынц сæ Мидхъуыддæгты министрады офицалон сайты «Очевидец», зæгъгæ, рубрикæмæ. Уыимæ ма Паддзахадон автоинспекцийы социалон хызтæм. Æппæт хъусынгæнинæгтæм пъæлицйы кусджытæ се ргом раздахынц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv