Æфсæддон ахуырадон центры курсанттæ фыццаг хатт архайдзысты Уæлахизы парады

Цæгат Ирыстоны Паддзахадон университеты æфсæддон ахуырадон центры курсанттæ фыццаг хатт архайдзысты Уæлахизы парады. Цæттæгæнæн мадзæлттæ, æнæмæнг, арæзт уыдзысты санитарон-эпидемиологон уагæвæрдтæ хынцгæйæ. Архайджытæм се `ппæтмæ дæр цæст дарынц æфсæддон дохтыртæ. Центры разамонæг Валерий Дробышев куыд бафиппайдта, афтæмæй курсанттæн скæнынц коронавирус бæрæггæнæн сæрмагонд тестытæ. Уæ зæрдыл уын æрлæууын кæндзыстæм, ацы æфсæддон ахуырадон центр кæй байгом 2019 азы. Йæ рауагъдонтæн лæвæрд цæудзысты сæрмагонд æфсæддон æвдисæндартæ. Ахуыр та кæндзысты 2 азы дæргъы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv