Афæдзмæ Уæрæсейы туристон къабаз фесафдзæн 600 млрд сомы

Уæрæсейы туристон къабаз æнæ фæсарæйнаг туристтæй фесафдзæн 600 млрд сомы. Æрвылазон æхцаты зилдух туристон къабазы у 3 млрд 700 милуан сомы. Уый тыххæй радзырдта Уæрæсейы туризмы сæрдар Дыгъуызты Зæринæ. Бæлвырд бæрæггæнæнтæ базонæн уыдзæн æрмæст афæдзы кæрон. «Стыр компанитæй чи фӕхъуыд ацы аз, уыдоны нымæц 1% фылдæр нæу. Æппæт зын фадæттæ хынцгæйæ, нæ къухы бафтыд фароны 70% æмвæзадмæ схизын»- бафиппайдта Дыгъуызты Зæринæ. Уæрæсе йæ арæнтæ æрæхгæдта 27-æм мартъийы. Уæлдæфон бастдзинад гом уыд, æрмæстдæр фæстæмæ чи здæхт, уыцы бæлццæттæн. 30-æм мартъийæ рæстæгмæ æрæхгæдтой автомобилон, æфсæнвæндаггон æмæ фистæгцæуæн пункттæ дæр. Июны райдианæй сындæггай арæнтӕ гом кæнын райдыдтой, æххæстæй туристон сезон райдыдта 1-æм июлæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv