Цæгат Ирыстоны креативон индустрийы райрæзтыл æрдзырдтой сæрмагонд æмбырды. Амыдта йæ Дзанайты Барис. Премьер фæнысан кодта, ацы фарстамæ республикæйы уæлдай æргом здæхт кæй ис. Бæстæйы президенты бардзырдмæ гæсгæ бакуыстой иумæйаг стандартыл. Бахастой йæм регионы креативон хъæппæристæ сæххæст кæныны фæдыл амынддзинæдтæ. Специалистты ныхæстæм гæсгæ, къабаз æвдисы хорз бæрæггæнæнтæ. 2019-æм азæй 2022-æм азы онг фæфылдæр 29% иннæ секторты 'хсæн. Ацы нымæц дзурæг у креативон хъæппæристæ экономикæйыл куыд ахадынц, ууыл.