Сæрмагонд кусæг къорд бæрæг кæны газæй ифтонг транспорт

Цӕгат Ирыстоны фӕтыхджындӕр кодтой газы балонæй ифтонг хӕдтулгӕтæм цæстдард. Ахæм домæн рахастой æрӕджы Дзӕуджыхъӕуы артаджы станцæтæй иуы балон кæй фехæлд, уымæ гæсгæ. Оперативон штабы уынаффӕмӕ гӕсгӕ арæзт æрцыд сæрмагонд къорд, кæцы бæрæг кæны гадзæй ифтонгарз машинæтæ. Къамисмæ бацыдысты мидхъуыддæгты министрады, уæрæсейы техникон цæстдарды, транспорты комитеты, паддзахадон цæстдарды æмæ цæрæнуæтты коммуналон хæдзарады министрады минæвæрттæ. Шофыртӕн бӕрӕг кӕнынц, транспортон фӕрӕзы паспорты паддзахадон автоинспекцийы штамп кæй ис. Аргъ кӕнынц ифтонггарзы аккаг сертификаттӕн, сӕ хъус дарынц техникон регламентты домæнтæм. Документтæ æххæст куы нæ уой, уæд газ нæ ратдзысты. Абон специалисттӕ транспорты ифтонгдзинад бæрæг кодтой горӕты артаджы станцæтæй иуы. Закъон хæлд не сбæрæг. Фӕлӕ ахæм мадзӕлттӕ цæудзысты ӕндӕр объектты дӕр.