Президенты грантты фонды 2-аг конкурсы Цæгат Ирыстоны 5 æнæкоммерцион уагдоны систы уæлахиздзаутæ

Президенты грантты фонды 2-аг конкурсы Цæгат Ирыстоны 5 æнæкоммерцион уагдоны систы уæлахиздзаутæ. Æххуысы бæрц æдæппæттæй у 9,5 милуан сомы бæрц. Мыггаджы совет «Цгъойтæ» рамбылдтой 3 милуан соммæ ввахс. Сæ проект ««Память сквозь века»-йы фæлгæты фæсивæды хсæн хъомыл кæндзысты культруон нысаниуæг кæмæн ис, ахæм объекттæм цымыдисдзинад. Сæрмагонд цæстдард аздахдзысты рагон арæзтадтæм. Йæ бындурыл та сараздзысты туристон центр. Интеллектуалон клуб «Альбус»-æн та радих кæндзысты 3 милуан соммæ ввахс. Сæ проект «Брэйн-новости» эфирмæ цæудзæн алы къуыри. Хи сæрмагонд-культурон куыстуат «Благодать»-æн та рахай кæндзысты 2,5 милуан сомы. Архайдзысты Ирыстоны æрмдæсныйæдтæ бахъахъхъæнынæн. Проекты сæйраг нысан - нымæтæй æмæ цыллæ кæлмæрзæн быйын чи зоны, ахæм сылгоймæгты нымæц фæфылдæр кæнын. Æнæкоммерцион организаци «Лоскутное одеяло» райсдзæн 760 минмæ*ввахс. Хъусæй æвзæр чи хъусы, уыцы сывæллæттæн бацæттæ кæндзысты æххуысгæнджыты. Проект æххæстгонд æрцæудзæн Дзæуджыхъæуы 26-æм скъолайы бындурыл. Нæ республикæйы туристон клуб та бахардз кæндзæн 480 мин сомы проект «Компас спорта»-йы фæдыл. Йæ фæлгæты 10 азæй-14 азы онг кæуыл цæуы, ахæм сывæллæттæн араздзысты ахуыртæ. Хъуамæ бынат базоныныл хиуыл бакусой. Фæнысан кæндзыстæм, Цæгат Кавказы регионты хсæн Цæгат Ирыстон Президенты граннты фонды конкурсы хатдзæгтæм гæсгæ бацахста 2-аг бынат. Фыццаг сси Стъараполы край. Æдæппæттæй та ерысты бацархайдтой 11 мин æмæ 85 проекты. Конкурс цыд 26-æм февралæй-6 апрелмæ. Уыдонæй 2 мин 402 рухс фендзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv