Базарадон дуканиты хицæуттæй, терроризмы ныхмæ æдасдзинады домæнтæ чи не`ххæст кæны, уыдоны ивар кæн

Базарадон дуканиты хицæуттæй, терроризмы ныхмæ æдасдзинады домæнтæ чи не`ххæст кæны, уыдоны ивар кæндзысты. Уыцы домæнтæм хауынц, зынгсирвæзтæй æдасдзинады фарстатæ, видеоцæстдард, рухсдæттæн æмæ хъахъхъæнынады домæнтæ. Æппæт уыцы информаци хъуамæ нысангонд уа сæрмагонд æвдисæндары. Домæнтæ куыд æххæст кæнынц, уымæ йæ цæст дары Федералон æдасдзинады службæйы управлени, Æнæнхъæлæджы уавæрты министрад, Национ гварди æмæ Экономикон рæзты министрад. Базарадон объекттæ хъуамæ дихгонд уой категоритæм гæсгæ. Уыцы хыгъды ныртæккæ ис 47 объекты. Иуæй иу хицæуттæ нырмæ дæр терроризмы ныхмæ домæнтæ нæ сæххæст кодтой. 1-æм майæ фæстæмæ йæ тыхы бацыд административон бæрнондзинад. Ивар бæфиддзысты 3 минæй - 5 мин сомы онг, юридикон бæрнондзинад кæмæ ис, уыдон та 30 минæй-50 мин сомы онг. Организациты иварты бæрц 500 мин сомы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv