Цæгат Ирыстоны 22 сидзæр сывæллоны райстой ног фатертæ

Ног цард ног фатерты. Рагæй кæмæ 'нхъæлмæ кастысты, уыцы цæрæнуæттæ райстой 22 адæймаджы. Уыдон сты сидзæр сывæллæттæ æмæ йæ бинонтæй цавæрдæр аххосæгты тыххæй чи фæиппæрд, ахæмтæ. Фатерты дæгъæлтæ райсгæйæ сæм цы 'нкъарæнтæ уыд, уый базыдтой ме 'мкусджытæ. Хъорнаты Владимирæн йæ цинæн кæрон нæй. Хи хæдзар йæ сæйрагдæр бæллиц уыд. Æмæ ныр йæ къухы бафтыд. Раттой йын ног фатеры дæгъæлтæ. Цы уавæрты цæрдзæн нырæй фæстæмæ, уыдонмæ дæр æркаст. Йæ зæрдæмæ цæуынц. Ног фатерты дæгъæлтæ райстой 22 адæймаджы. Уыдон сты сидзæр сывæллæттæ æмæ йæхи бынонтæй цавæрдæр аххосæгты тыххæй чи фæиппæрд, ахæмтæ. Цæрæнуæтты  фæзуат у 33 квадратон метрæй уæлæмæ. Афæдзы кæронмæ ма сæ ног фатерты къæсæрæй бакъахдзæф кæндзысты 14 адæймаджы. Сидзæр сывæллæттæ æмæ йæхи бынонтæй цавæрдæр аххосæгты тыххæй чи фæиппæрд, уыдонæн фарон балхæдтой 75 фатеры 125 милуан сомæн. Ацы аз балхæнынвæнд кæнынц ноджы фылдæр цæрæнуæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv