Дзæуджыхъæуы байгом Донбассы лигъдонтæн гуманитарон æххуысы пункт

Дзæуджыхъæуы кусы гуманитарон æххуысы пункт. Сæрмагондæй байгом Луганск æмæ Донецкы республикæты цæрджытæй йæ цæрæнбынат æнæбары чи ныууагъта, уыдонæн. Пункт фæзынд акци «Мы вместе», зæгъгæ, регионалон клубы хъæппæрисæй. Бацархайыны фадат дзы ис кæй фæнды, уыдонæн се 'ппæтæн дæр. Амалхъом адæм, æхсæнадон æмæ хæрзаудæн организациты минæвæрттæ ныридæгæн фæхæццæ кодтой фæцæрынæн хъæугæ дзауматæ. Хи мæ зилæн гæрзтæ, уæлæдарæс æмæ æндæртæ. Гуманитарон æххуыс æмбырд кæнынмæ æххуыс кæнынц адæмон фронты, «Молодёжка ОНФ», фонд «Быть добру»-йы активисттæ. Уыимæ ма парти «Иугонд Уæрæсе»-йы æмæ республикæйы фæсивæды хъуыддæгты фæдыл комитеты минæвæрттæ дæр. Уæ зæрдыл уын æрлæууын кæндзыстæм, 10 мартъийы Цæгат Ирыстон суазæг кæндзæн 500 адæймаджы Донбассæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv