Битарты Вячеслав скодта коронавирусы ныхмæ прививкæ

Битарты Вячеслав скодта коронавирусы ныхмæ прививкæ. Республикæйы сæргълæууæг вакцинаци ацыд Дзæуджыхъæуы 1-æм поликлиникæйы. Фыццаг уал дохтыр сарæзта медицинон æркаст. Вакцина ма скæныны аххосæгтæ куы нæ разынд, уæд ын скодтой йæ фыццаг хай. Дыккаг, уагæвæрдмæ гæсгæ, скæндзысты 21 боны фæстæ. Уæ зæрдыл уын æрлæууын кæндзыстæм, коронавирусы ныхмæ прививкæ скæнæн ис лæвар. Уыимæ вакцинаци у барвæндон. Апрелмæ Цæгат Ирыстоны фæнд кæнынц прививкӕ скӕнын цæрджыты 30 процентæн. Уый руаджы фæзындзæн иумæйаг иммунитет æмæ коронавирус карзæй нал парахат кæндзæн. Ныртæккæ регионы вакцинаци ацыдысты 2 мин адæймагæй фылдæр. Се 'нæниздзинадыл æвзæрырдæм нæ фæбæрæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv