Цæгат Ирыстоны коронавирусæй рынчынтыл суткæмæ бафтыд 34 адæймаджы

Коронавирусæй ма иу адæймаг амард Цæгат Ирыстоны. 1928-æм азы гуырд сылгоймаг бахауд Тагъдæххуысы клиникон рынчындонмæ. Рабæрæг æм ис COVID-19, стæй рæуджыты æмæ зæрдæйы уæззау низ. Йæ магъзмæ туг æххæстæй нал хæццæ кодта. Рынчындоны йын медицинон æххуыс кодтой, фæлæ сылгоймаджы уавæр уæддæр æвзæрдæр кодта. 28-æм сентябры йæ раивтой аппартмæ, улæфыды йæ фæрцы. Цавлдæр боны фæстæ йæ цардæй ахицæн. Цæгат Ирыстоны æнæниздзинад хъахъæныны министрады бæрæггæнæнтæм гæсгæ, ныртæккæ республикæйы дзæбæхгæнæндæтты ис 341 адæймаджы. Тагъд Æххуысы Клиникон Рынчындоны - 318, COVID-имæ 22-йæ, реанимацийы 34 адæймаджы, аппаратты фæрцы улæфынц 13-æй. Сывæллæтты Республикон Клиникон рынчындоны ис 9 сывæллоны æмæ 2 хистæр кары адæймаджы. Иу сывæллон æмæ 2 хистæрмæ рабæрæг кодтой кронавирус. Рахизфарсы районы сæйраг рынчындоны та ис 12 адæймаджы. Ивгъуыд суткæмæ коронавирусæй рынчынтыл бафтыд 34 адæймаджы. Æдæппæтæй сæ нымæц у 5 853.Цæгат Ирыстоны коронавирусæй рынчынтыл суткæмæ бафтыд 34 адæймаджы _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv